Call Center
Работно време:
08:00-18:00

ОГЛАС:

НСГНРСМ има потреба од едно лице кое има добро познавање на македонскиот знаковен јазик за презентер на интернет видео едукативни серијали. За подетални информации обратете се на нашите телефонски броеви или на нашиот мејл. Рокот за пријавување на заинтересираните лица е до 12.05.2020 година 14:00 часот.

Skopje 12.05.2020
Избор на Мис и Мистер 2020 Скопје

 

Интернет видео едукативно-информативни серијали

Националниот сојуз на глуви и наглуви обезбеди заштитни маски за членовите на здруженијата со поддршка на Министерството за труд и социјална политика
Националниот Сојуз на глуви и наглуви на Република Северна Македонија(НСГНРСМ) обезбеди голема количина на заштитни маски за повеќекратна употреба за глувите и наглуви лица во државата. Сите маски се со испечатено лого на НСГНРСМ, со цел маските да ги употребуваат само лицата за кои се наменети, а тоа се глувите и наглуви лица во државата. Маските се набавени со средствата од редовните дотации на Министерството за труд и социјална политика за Националниот Сојуз на глуви и наглуви.

Во тек е распределбата на заштитните маски низ осумнаесетте здруженија на глуви и наглуви кои ги има во повеќе градови во Република Северна Македонија. Првичната количина од 1.200 маски ќе се распредели на глуви и наглуви лица со пониски месечни примања на кои набавката на заштитната опрема би им преставувала дополнителна потешкотија.

За членовите на здруженијата набавени се и средства за дезинфекција на раце како и средства за дезинфекција на просториите на Здруженијата на глуви и наглуви. Националниот Сојуз на глуви и наглуви и во наредниот период во соработка со Министерството за труд и социјална политика ќе презема активности за заштита на здравјето на глувите и наглуви лица.

Соопштение:
Манифестацијата Избор на Мис и Мистер на глуви и наглуви лица кој Националниот Сојуз на глуви и наглуви требаше да го спроведе заедно со Малдинското здружение на глуви и наглуви,, Млад знак,, овој викенд, се одложува поради мерките и препораките што ги донесе Владата. Од причина што последниот рок за пријава на нашите преставници (учесници) на светскиот избор на Мис и Мистер што ќе се одржи во Прага е 25 март, НСГНРСМ уште денес ќе прати официјално барање за да се одобри одложување од најмалку еден месец за поднесување на апликација за нашите преставници. Се надеваме на позитивен одговор,и на што поскоро надминување на оваа епидемија.


Соопштение:

Согласно препораките од Владата на нашата држава, Кол Центарот ќе работи во една смена од 08.00 до 15.00 часот, од причина што едниот толкувач што работи во Кол Центарот е родител на деца под 10 години, и согласно препораките таа ќе биде ослободена од работните обврски во наредните денови, додека овие мерки се на сила.
Ви благодариме на разбирањето,
НСГНРСМ


Соопштение:

Согласно новите мерки и препораки на Владата на нашата држава, ние како НСГНРСМ и здруженијата во нашите рамки должни сме да ги почитуваме овие мерки и препораки, па затоа се Забрануваат сите масовни собири во просториите на Здруженијата на глуви и наглуви од целата држава во период додека овие мерки се на сила.
Оваа забрана треба да се почитува, со цел заштита на здравјето на сите глуви и наглуви.
Ви благодариме на разбирањето,
НСГНРСМ

Националниот Сојуз на глуви и наглуви на Република Северна Македонија ви посакува Среќна Нова 2020 година.

Националниот Сојуз на глуви и наглуви на Република Северна Македонија на ден 19.10.2019 година додели сертификати на осум толкувачи на македонски знаковен јазик кои успешно ги завршија обуките.

Недела на глувите – Септември 2019

По повод Неделата на глувите која меѓународно се одбележува секоја година во последната недела на Септември Националниот Сојуз на глуви и наглуви на Република Северна Македонија органзираше “Игри Без Граници” на 28.09.2019 во Охрид.
23 Септември – Ден на знаковниот јазик

По повод на „Денот на Знаковниот јазик“ 23 Септември, Националниот Сојуз на глуви и наглуви на Република Северна Македонија во соработка со Парламентарниот Институт при Собранието на Република Северна Македонија организира „Тркалезна маса“ на тема: „Подобрување на соработката помеѓу Собранието и Националниот Сојуз на глуви и наглуви“
Манифестација “Најдобар Готвач 2019” и првиот настап на членовите на Фолклорното Здружение “Традиција Фолклор”

Хотел Далјан, Охрид 2019 година
Наскоро
Во наредниот период НСГНРСМ ќе започне со реализација на проектот “Картичка за глувите и наглуви”. Сите членови на ЗГН во период од неколку месеци ќе добијат од НСГНРСМ картички со сопственото име и презиме, адреса и дополнителен идентификациски број. Со овие картички, глувите и наглуви лица ќе имаат одреден бенефит (попуст на стоки и услуги) во голем број на фирми од сите градови на нашата држава. Во овој период започнат е процесот за склучување на договори со компании од сите дејности. Во реализацијата на овој проект и овозможувањето на договори со компании во што поголем број од сите дејности, учествуваат генералниот секретар и сите секретари на здруженијата на глуви и наглуви. За подетални информации за овој проект сите заинтересирани членови на ЗГН можат да се обратат кај секретарите на нивните матични здруженија и генералниот секретар на НСГНРСМ.
Од наредните денови Националниот Сојуз на глуви и наглуви на Република Северна Македонија ќе започне со спроведување на информативни семинари од областа на медицината и правото. Предавањата ќе ги водат искусни професионалци од својата област, и ќе бидат преведувани на знаковен јазик од толкувач на знаковен јазик. За терминот и распоредот на овие предавања кои што ќе се одржуваат во седиштата на поглем број на ЗГН, членовите ќе бидат навремено информирани од страна на Секретарите на своите матични ЗГН.
Видео упатство за Call Center

Известување за Call Center: Покрај апликацијата Hangout која веќе функционира, од сега ќе може да се користи и апликацијата Messenger со која ќе може да направите повик на Facebook профилот Sojuz Gluvi кој може да го пристапите на следниот линк. Подетални информации може да се добијат кај секретарите на секое ЗГН во државата.

Генералниот секретар на НСГНРМ гостуваше на ТВ Телма со цел запознавање на јавноста за проектите што сојузот започна да ги реализира.
Свечено одбележување на почетокот на реализација на проектите “Call Centеr” и “Фолклорно здружение на глуви и наглуви лица” заедно со министерката г-ѓа Мила Царовска.